|
Kies Jou Rigting - Maree de Wet  Ons het gepraat oor die belangrikheid van die ontdekking waaroor jy geesdriftig of passievol is. So laat ek 'n vraag vra - het jy nou meer helderheid omtrent wat dit is wat jy REGTIG wil hê? Nog nie? Neem dan nog 'n bietjie tyd om helderheid te kry - nog 'n dag of twee sal nie saak maak nie. Glo my, die tyd gespandeer sal dit werdwees! Helderheid is die mees belangrike stap tot die aanskakeling van Die Wet van Aantrekkingskrag en om te kry wat jy begeer. Moenie hierdie stap oor slaan nie - dit is van die UITERSTE belang - jy kan nie by jou destinasie arriveer as jy nie weet waarheen jy op pad is nie! Sodra jy jou passie bepaal het en 'n oogmerk in gedagte het (of dit nou 'n nuwe loopbaan is of persoonlike groei) sal jy wil bepaal wat die eenvoudigste en mees-effektiewe manier is, en daarvoor het jy 'n plan nodig. Jy wil 'n soliede plan skep met sleutel aksie stappe, sowel as 'n Plan B vir die onverwagte. Terloops, dit is hier waar plegtige verklarings en visualisasies 'n groot rol sal speel om jou by te staan om enige uitdagings wat sal kop uitsteek, te oorkom. (Sien artikel oor ''Visualisasie'') Kies Jou Rigting en Beplan Jou Strategie ==================================== Kom ons breek hierdie op in 3 maklike stappe. Jy sal dalk 'n notaboek wil aanskaf en so onmiddellik begin saamwerk. Jy sien, baie mense lees net die stappe, dink dis 'n goeie idee en beplan om 'volgende Maandag' te begin, of die naweek of volgende week. Dan gebeur 'die lewe' en almal vergeet van hulle oorspronklike plan. Dit gebeur deurentyds, selfs met mense met goeie voornemens - dis droewig, want hulle kom nooit so vêr as om 'n doelpaal te behaal nie. Moenie een van hulle wees nie! Stap # 1 Verbreek Jou Mylpaal in Kleiner Mylpale ================================== Of jy nou werk aan 'n nuwe konstruksie of 'n fisiese gebou of a nuwe uitkyk op die lewe, jy het 'n soliede fondasie nodig om op te bou. Sonder 'n soliede fondasie is ondergang verseker. Maar noudat jy jou plan op papier het, waar begin jy? Hierdie afdeling sal dit vir jou opklaar en teen die tyd dat jy klaar is, sal jy presies weet watter stappe jy moet neem om Die Wet van Aantrekkingskrag aan die gang te sit vir daardie spesifieke mylpunt in jou lewe. Terloops, jy kan hierdie metodes gebruik vir enige mylpale wat jy stel. Sê nou maar jou liefde lê in webwerf ontwerp. Jou mylpaal is om jou eie winsgewende besigheid te begin as 'n webwerf-ontwerper. So vra jouself 'n paar vrae sodat jy weet waar om te begin : - Het ek reeds die kennis en talent? - Het ek enige formele opleiding of moet jy nog opleiding kry? - Het ek genoeg ondervinding om pragtige en verbruikers-vriendelike webwerwe te ontwerp? - Het ek 'n portfeulje om aan voornemende kliënte voor te lê? - Ken ek iemand wat my dalk sal kan help met my nuwe waagstuk? - Hoe stel ek my dienste bekend sodat mense van my weet? - Hoe gaan ek promosies doen op my klein begroting? Die antwoorde op hierdie vrae sal vasstel aan watter kleiner mylpale jy eerste tyd aan spandeer. Hier is 'n paar voorbeelde vir helderheid ... - As jy geen formele opleiding het nie, mag jy dit dalk oorweeg om op-lyn lesse te doen of by 'n Kollege in te skryf; - As jy meer ondervinding nodig het kan jy dalk 'n paar webblaaie ontwerp vir oefening; - As jy klaar opgelei is, netwerk met 'n paar deskundiges in web ontwerp; - As jy reeds met die deskundiges gepraat het, sal jy dalk 'n paar voorbeelde van jou werk in 'n portfeule wil saam sit. Jy sal dalk selfs 'n webwerf gratis vir iemand ontwikkel vir 'n goeie verwysing. - Wanneer jy gereed is om jou produk te bemark met jou klein begroting, ondersoek verskeie lae koste of gratis promosie offers. Deur jou goeie punte en swakhede te bepaal, bou jy 'n sterk fondament om jou mylpaal te behaal.Terwyl jy als neerskryf, wil jy dalk ook jou onderbewussyn inspan om te help - dit sal jou kreatiwiteit aanwakker. Hier is 'n goeie oefening om te help ... Maak jou oë toe en visualiseer dat jy klaar jou doel bereik het - voel die opwinding - haal diep asem - wens jouself geluk - glimlag - neem 'n paar minute en geniet die gevoel! Stap # 2 Bepaal Jou Hoof Aksie Stappe - en Begin Met Hulle! ============================================ Wanneer jy jou groot mylpaal in kleiner mylpale verdeel het, behoort jy op jou papier 'n reeks aksies te sien waarmee jy nou verdere stappe kan neem. Gewoonlik is hierdie stappe alreeds in 'n vanselfsprekende rangorde - bv. as jy geen opleiding het nie en ook nie baie ondervinding nie, sal dit wys wees om daardie aspekte van jou plan op te klaar voordat jy voortgaan. Hou alles net in orde en jy sal stadig maar seker voortbeur na die uitvoering van jou doel. 'n Woord van vermaning - maak seker jy werk aan die FOKUSPUNTE wat belangrik is - wees positief, en visualiseer jou mylpaal en hou voet by stuk! Step # 3 Skep 'n Wyse Plan vir die Onverwagte (net ingeval ...) ============================================== Terwyl jy jou hoof aksie stappe beplan, wil jy dalk ook dink aan enige moontlike onverwagte probleme wat kan kop uit steek en alternatiewe planne maak om hulle te oorkom. Hier's 'n goeie manier om dit te doen :Oorweeg een stap van jou plan - dink aan enige moontlike komplikasies of struikelblokke - beplan dan ekstra, kleiner stappe om hierdie struikelblokke te oorwin. Laat ons dit van nader bekyk - een van jou stappe is om jou dienste bekend te stel, maar jy weet jy het nie enige bemarkings ondervinding nie en jou begroting is klein. So nou besluit jy dat 'n deeltydse pos te as web-ontwerper jou die geleentheid sal gun om nog geld te spaar terwyl jy terselfdertyd meer ondervinding opbou. Maar wat as jy dalk nie 'n pos kan vind wat jou pas nie? Deur vooruit te dink, kan jy dalk 'n ander uitweg vind, soos byvoorbeeld : - 'n Klomp webwerwe te bou sodat jy jou ondervinding en portfeulje kan opbou; - 'n Webwerf op te stel wat al jou dienste en fooie sal uiteensit, sowel as die voordele vir iemand om 'n web-ontwerper aan te stel; - Om te netwerk met ander web-ontwerpers om uit te vind wat hulle doen omtrent die groei van hulle besigheid, sowel as om dalk deeltyds vir hulle te werk vir ondervinding. - Doen navorsing oor plaaslike besighede wat dalk van jou dienste gebruik sal maak; - Berei 'n aangesig-tot-aangesig presentasie om jou werk te vertoon en om jou dienste te verduidelik; Jy hoef nie te veel hieroor te tob nie, maar probeer vir elke plan 'n paar opsies gereed te hê - dan sal jy gereed wees om Plan B in werking te stel sonder enige probleme. Dit is baie belangrik, want vele mylpale word gesaboteer sodra probleme kop uitsteek oordat die bloeiende entrepeneur dan nie weet wat om verder te doen nie, so dan doen hulle niks en gooi tou op. Moenie laat dit met jou gebeur nie. En onthou altyd dat, as jy dalk ontmoedig raak, jy altyd kan teruggaan en dink aan jou oorspronklike passie en geesdrif en waarom jy dit wil doen. Verkry energie van daardie gedagte. Gebruik bevestigingsverklarings. Sien dit weer in jou geestesoog en voel die emosie asof dit alreeds in werking is. Volgende is "Die Mag van Oortuiging" en die rol wat oortuiging speel in jou daaglikse ondervindings. Mag jy Briljant wees in die Beplanning van Jou Strategie! -------------------------------------------------------------------------------------------------------- ''Die geheim om vooruit te gaan, is om te begin. Die geheim om te begin is om al die oorweldigende groot take in meer hanteerbare kleiner takies op te breek, en dan met die eerste een te begin.'' - Mark Twain
|
