'n Wens vir Kerstyd

Ek wil na die stilte luister en lank-stadig na jou kyk

Ek wil sag word in jou naby-wees en jou oë se blou vir my vat.

Ek wil hoor hoe die vrede aan ons voordeur klop

En vars blomme op ons tafel in die verbygaan loop-ruik.

Ek wil diep dankbaar buig bid en ‘n blywees-lag

in my praat en my loop vasbind

van nou af tot altyd ver vorentoe

En ek wil wéét dat God ook hier is:

binne, by en met ons,

warm-sag in Sy liefde, vriendelik soos kerslig.

Dis my wens vir ons vir Kersfeestyd van nou,

voordat ons hierdie jaar ook

toevou en wegbêre.

- Elizabeth Kendall - 2009

-----------------------------------------------------------------------------------------------

'n Kersgedig

Kersboom,  groen, kersboom mooi

in rooi goud en silwer getooi helder,

gekleurde flikkerende liggies

Kyk tog net , die blye kinder gesiggies!

Briefies in die pos. drome word geweef

om na elke kind se droom te streef

werk kabouters en kleine elfies baie hard

vir Kersvader met sy lang witte baard..

Gaan Kersvader n sak vol drome bring..

en elke kinderhart van vreugde laat sing?

Jingle bells, jingle bells,...kyk net Rudolf se rooie neus

 al die kinders, soet soos engeltjies gewees

Klingel, klingel die goue klokkies

aan die nekke van die bokkies

wat is in Kersvader se grote sak?

ongeduldige kinders, kan nie meer wag!!

Kersvader, met sy groot blink slee

voer tot grootmense se drome mee

Kyk hoe soen Pappa en Mamma nou

onder die groen en rooi "mistletoe"!

Die Ster van Bethlehem, so blink

aan die lieflike boom se top, wat wink

Mamma, waar kom Kersvader dan vandaan..

is die Noordpool dalk, op die groot ronde Maan?

Kinderogies het hom gesien, oor die toppies van die lang Bome ,

 het hy deur die lug gevlieg....met sakke vol kinderdrome,. .

In elke kinderhart, lê die magic van Kersfees

afwagting en opwinding in blink oë te lees

---------------------------------------------------------------

Kersliedjie

Drie outas het in die haai Karoo

die ster gesien en die engel geglo,

hul kieries en drie bondels gevat

en aangestryk met ’n jakkalspad

al agter die ding wat skuiwend skyn

op ’n plakkie, ’n klip, ’n syferfontein,

oor die sink en die sak van Distrik Ses

waar ’n kersie brand in ’n stukkende fles,

en daar tussen esels en makriel

die krip gesien en neergekniel.

Die skaapvet, eiers en biltong

nederig gelê voor God se klong

en die Here gedank in gesang en gebed

vir ’n kindjie wat ook dié volk sou red …

Oor die hele affêre het uit ’n hoek

’n broeis bantam agterdogtig gekloek.

D.J. Opperman (1914-1985)

Uit: Blom en baaierd, 1956

----------------------------------------------

Kerswense vir 2009

                       ©

                    (¯`´¯)

                      */ \*

                    . *♫*..

                   • '*♥* ' •

                 '*• ♫♫♫•*'

               *, • Woes • ,*

              ' * • ♫*♥*♫ • * '

             * • Geseënde • *

          * ' ' •♫♫ *♥* ♫♫ • ' ' *

  '•♫ * '♫ * Kersfees 09 * ♫' * ♫•'

       *' ' * • ♫♫♫*♥*♫♫♫• * ' '*

                        ♫

                        ♫

                        ♫

                        ♫

                 ♥Meraai♥

              Kerswense vir 2009

                           @

                           en

                           hier

                         onder

                       opgetooi

                            aan

                       ieder & elk

                   van die skrywers

    op hierdie forum in al sy gedaantes

                          ontvang

                    ons innige wense

         vrede & harmonie & vreugde

gesondheid wat verstande te bowe gaan

                             aan

                             jou

                             van

                             ons

                    Outop & Meraai

- Meraai vannie Baai

-------------------------------------------------------------------------------

Kersfees en die boom

Geskryf: A van Eyk

Pa, Ma slaan op die Kersfees boom asseblief

Bokse vol liggies, balletjies, Kersversierings

In….. die gangkas “weg  versteek”

Maak seker al die Kersfees liggies flikker

Al die versierings klouter op…die temaai groot boom

Waar gaan ons die Engeltjie hang?

Dit is Kersfees-tyd, dis Kersfees-tyd

Kersfees kom, Kersfees kom

Nog ‘n Kersfees? Almal staan verstom

Mirre, wierook…. bring die goud

Dis mos nie enige verjaarsdag

By die Herberg ….hoe lank sal ons wag?

Die sterrekykers weet

Elke tree afgemeet

Die ware Koning….Sy ouers het dit ook nie “breed”

Ruik!! …. Dit is die geur van wierook

Geskenke in winkels…deur kinders nou “bekoor”

Maar Jesus sê….Ek… is die geskenk, het jy gehoor!

Pa, Ma, kinders, laat ons gelukkig wees

Kersfees kom, Kersfees kom

Hierdie Kersfees die mooiste ek staan “stom”

Laat ons gelukkig wees

Laat ons lag

Ja, skaterlag

Nou weet ons presies…….

Waaroor Jesus-Kersfees gaan!

------------------------------------------------

Kersfees kom
Geskryf: A van Eyk

Oktober, die mooiste mooiste maand
Met winkels vol liggies, net versierings waar jy kyk
So “wrinties waar”…die jaar is verby 

Hierdie jaar het die goeie en slegte laat gebeur
Trane wat sê ek is bly en trane wat my rivier bedding skoon-spoel
Ek kyk terug…. en prewel….”die jaar is ! sowaar verby

Tiende maand dankoffer nou in gange van my gedagtes 
So moet ons gee…..
Sonder voorbehoud sonder ‘n hart, te goed

Blomme bloeisels mooi grasperke
Skrik wakker uit jou winterslaaap!
Voor jy weet klap die klappers soos vuurvliegies in die nag

‘ n Engel koortjie sing, vrede op aarde
Vergewe mekaar soos HY ons vergewe het
Met groot Engel vlerke, wat my aangesig verberg

Hierdie Kersfees sal ‘n groet met ‘n glimlag
Met ‘n wete die Mesias kom
My olie-lampie …alreeds oorvol

Die wyse wat Jesus my vashou
Die wyse wat Jesus my toevou
Die wyse wat Jesus my vertrou

Ja die wyse waarop Jesus my vlerke gee
Wat ek nie verdien
Nou moet ek groet….

Ons sal mekaar weer in die toekoms sien

-----------------------------------------