|
Dankie dat jy by ons OORVLOED gemeenskap kom kuier het! LEWE IN OORVLOED! Ek sien vooruit daarna om met jou saam te werk deur die gratis hulpbronne en gebruiksmiddels wat jy hier sal vind om Doelgerigtheid, Oorvloed, Passie, Vrede en Eindelose Moontlikhede in jou lewe te verseker! Hierdie is nie sommer ENIGE webwerf nie - hierdie webwerf is radikaal! Ons vier die feit dat vreugde die doel is hoekom ons hier is! - Hier sal jy nie resepte kry nie, hier sal jy nie kan lees van politieke partye nie en hier is nie kwilt-werk idees te vinde nie - hierdie blaaie is vir die hedendaagse en vooruitstrewende Suid Afrikaner wat in Oorvloed lewe of wil lewe - Oorvloed in ALLE gebiede van hul lewens - lewensstyl, verwantskap, familieskap, vreedsaamheid, rykdom, gemoedsrus, gesondheid en wysheid. Hier sal ons ook kyk na die bemagtiging van vroue - Ek hoor so baie vrouens kla oor die feit dat hulle nooit tyd vir hulself het nie en dat 'n ma en vrou se prioriteite altyd laaste kom. Self-sorg is een van die belangrikste elemente, fisies en geestelik, vir enigeen om 'n gesonde en gebalanseerde lewe te ly. Magtige Verklaring Hier is 'n magtige verklaring : Alles wat jy eendag gaan beleef -- en by eendag meen ek so gou as nou, môre, oormôre of eendag --enigiets wat jy eendag gaan ondervind, het jy eers gedroom of gedink. Want niks sal in jou ondervinding manifesteer tensy die droomproses eers gebeur nie. "Die antwoord is nie om jouself te ontdek nie. Die antwoord is om jouself te skep." Leef jou verbeelding en nie jou geskiedenis nie - gister is verby, gedaan, kaput - môre is nog nie hier nie - al wat ons het is VANDAG - NOU - DIE HEDE - en wat jy daarmee gaan doen. Oorvloed, nes suurstof, is vrylik beskikbaar vir ons almal, so besluit vandag om 'n verskil te maak - 'n verskil aan jouself en 'n verskil aan die Heelal.
Wat op Aarde ...?  Ons vereer die natuur en kyk na alle moontlikhede om vir ons 'n gesonde en positiewe moeder aarde te skep. Daar is soveel om vreugdevol oor te wees as mens net mooi kyk. Onder ons seksie Wat op Aarde? is daar heelwat feite en kommentaar oor die toestand van ons planeet, en alles is nie so swartgallig as wat dit kink nie!
"Moenie 'n book lees om 'n navolger te wees nie. Lees 'n boek om 'n student te wees." - Jim Rohn
|
